سطر فاضي _بقلم الشاعر /حسن محمد علي

سطر فاضي

.....

أنا وقلبي وكل ما فيا

رافضين رجوعك

أنا وقلبي وكل ما فيا

قافلين موضوعك

..

خلاص قفلنا باب الماضي

وإرتحنا م الجراح

ومهما علينا تنادي

عدي وقت السماح

..

شوفلك طريق غير طريقي

تضحك علي غيري فية

أنا فعلاً حقيقي

عمري معاك ندمان علية

..

يا خسارة ألف شمعة

بحبي إيدتهالك

يا خسارة ألف وردة

جرحني شوكها وجيبتهالك

يا خسارة ألف دمعة

ساعة الفراق بكتهالك

..

عمري ما هنسي نظرة غرورك

وأنا بترجاك تفضل

عشت عليا دور مش دورك

وأنا عايزك معايا تكمل

..

جبت كل القسوة دي منين

أنا أهون عليك

وسنين الحب راحت فين

كنت مخدوع فيك

..

شوف قلبك الجامد الوقتي بيوجعك

بس خلاص كفاية

مالكش رصيد عندي يرجعك

ولا ينفع تكمل معايا

وبعد ما غرورك ضحك عليك وضيعك

بقيت سطر فاضي في حكاية

......

حسن محمد علي

الأربعاء ٦ / ١٢ / ٢٠٢٣