بقينا أغراب _بقلم الشاعر المصري /عبد المنعم مرعي

 بقينا أغراب

.................

اتنين حبايب 

فرق مابينهم الزمن 

خلاهم أغراب 

قطع حبال ودهم ماعدوش صحاب

والعشرة هانت عليهم و بانت

كانها  كانت حبه  سراب

 من كلمتين خانوا  الأمانة 

والحقيقة وضحت وضوحها فعز النهار 

شمسها بشموخ شعللت في كل دار

بركان دمار 

بيغلي غلي فورانها حار

فضحت قلوبهم  اللي لاتؤتمن 

قايدة فيها النار  تكوي بمرار

لكل صاحب جنبة صاحب 

وقع عليه الاختيار

وطريقة سالك

من غير لوع لحبيب وجار

ماتقول وجاوب وبدون اعتذار

ليه سيبتني ياحب

 في  أحرج ظروفي محتاج

بدفع ضريبة خيانة عظمى تكلفتها 

غالية الثمن رفضاها روحي باحتجاج 

قتلت أمل جواية كان نفسة يرجع

رافع السعادة راية باابتهاج

 ياقلبي  ليه زاد همي

 اكتر من الاول

 ومعاك  زاد غمي

بقينا أغراب  اتنين حبايب 

فرق مابينهم الزمن خلاهم أغراب 

كان نفسي مرة تمر مرة ترميلي تمرة

تبل الريق ترمم قلبي

اللي صار غريق في وسط غابة وحريق 

تركتني من غير ما تمدلى إيدك من الغرق 

تنقذني في صدمتي بفقدي لااعز رفيق 

برغم جارحه كان غادر  مرر حياتي 

خرجني برة في كل مرّة من دايرتة 

اللي عليه كانت بضيق 

وأقول ياصبر هاتلي صبر معاك

يطمن سنيني من قطر فاتني

سبني وحدي بوسط  الطريق 

بقلم :عبد المنعم مرعي