دَنْدِن صَبا
""""""''"(بالعامية المصرية)
دَنْدِن صَبا
وازرع فدادين الجفا
صبر و سماح
دَنْدِن صَبا
وارسم على ليلك وفا
وارسم صباح
دَنْدِن صَبا
وانسى الهوى وانسى الدفا
وانسى البراح
انا ياما عِشْت احلم سِنين
وصحيت على الشوق و الحنين
كان شوق ..
في غيط المحرومين
كان حلم...
كل البردانين.....
....بس اتنفى......
دندن وقول ان الحياة
هتلخص الموال في آه
وهتبتدي زي الربيع
وجماله بعد يومين يضيع
......اصله اكتفى........
ارجع لضلايتك وعيش
اصل الحياة مبتنتهيش
زاهية في يوم ..
وف يوم مفيش
مالها حياة المصطبه ؟
دَنْدِن صَبا.. دَنْدِن صَبا.
.....علاء الأمير
ليست هناك تعليقات:
إرسال تعليق