يمكن غَلَط
يمكن غلَط
هالوقت حاكيك
يمكن غلَط
علِّق عيوني فيك
يمكن غلط
عم تضحك وبَكِّيك
يمكن غلَط ...
يمكن غلط
بعد البعد ، بعد الوعد
إنُّو نرجع لبِعض
ويبقى الورد بإيدي عم يناديك
وعم عيش أيامي معَك
لحظة بلحظة بسمعك
عم شمَّك وعم اقشعك
بس الغلط كل الغلط
إنك معي ومضيعك
عم عيش وما لاقيك .
يمكن غلط
عم عيش واتأمل نرجع سوى
ونعيد من الأوَّل
نسرق ضحك من هالدِنِي (الدنيا)
ونخلق سما كلا غِنِي ( اغاني )
ونغرق بغيمة ولدَني
ونعيش ما نسأل.
عقلي فهِم إنُّو خلَص
بس القلب طوَّل
يمكن دهر ، يمكن عمر
يمكن بعد موتي بشهر
يمكن ما يرضى
ويمكن ما يتحوَّل.
يمكن قهر
يمكن شعر صرلو عمر
معوَّد بدونك ما يكمل
ويمكن غلط
إبقى أنا وقلبي على ماضيك
بس الغلط كل الغلط
إنك معي
عم عيش وما لاقيك .
أنور مغنية 10 01 2023
ليست هناك تعليقات:
إرسال تعليق