فى مدينتى
بقلم صالح منصور
في مدينتى القاهرة
حيث الزحام
والتشابك والخصام
يوجد بعض اللئام
والسكريه وقصر الشوق
وسوق الامام
وباب زويله والفتوح
وسوق الحمام
والحسين والغوريه
وعمنا حسن الامام
والحرافيش وقشتمر
وعادل امام
وشارع المعز والفحامين
ودرب البرابرة
وورش الرخام
والالف مأذنه
والكنائس وحارة اليهود
وكنا في سلام
كنا عايشين المحبة والامان
كنا عيله جوه عيله
يربط ما بينا الاحترام
يسكت الشيطان علينا
يسبنا نعيش في سلام
طب ازاى يبقي شيطان
بالفلوس ما اقدر علينا
بالحروب ما قدر علينا
قال اجيبهم بالخصام
فرق ما بينا بالف دين
كفر كل الطيبين
مسلمين ومسيحيين
ونادى بالحريه للملايين
شعار عظيم بفخ اعظم
ربيع بيقتل الياسمين
فى شرع مين
حريه تحرق
وتهد جيل
في شرع مين
ربيع بيغتال السنين
فى شرع مين
نحرق بايدنا
تراث الاولين
في شرع مين
نحرق كنائس وجوامع
وبنى ادمين
فى شرع مين
نخسر سوريا واليمن
والعراق وفلسطين
فى شرع مين
بقلمى
صالح منصور
ليست هناك تعليقات:
إرسال تعليق