يمكن _بقلم الشاعرة / منى رفيق بولس

"يمكن"

يمكن سبقني العمر عالفلّة/ي

ويمكن ما حقّي بعد إتدلَّل

لكن يا قلبي عِطرك الفلِّة/ ي

وضوع العطر من يوم ميلادو

عبّى الدّني من سكرتو وكَلَّل

يمكن سبقني العمر سكَّر باب

وقلّي ما عاد يفيد قلب يدقّ

لكن شو بعمل ما القلب غلَّاب

متل الفجر بيطلّ بعد غياب

يفتِّح عراوي الزَّهر حتّى تشقّ

قلبي إلي والحبّ ساحرني

شاعل بقلبي كتير غامرني

وهاك العيون المتل شطّ جبيل

سرقت حناني ولمِّت جروحي

ورجعت بنار الحبّ تكمرني

   بقلم : منى رفيق بولس