أماني في أماني
متعبني يا كبر عقلي زماني
ومزعجني قلبي اللي كالسحابة
ويا كثر ما ني من احساسي اعاني
اكثم اشعوري وتفضحني الكتابة
كلما كليت من حادي و ثاني
اقبض اخطامي وقبضها عدابه
لين ما ملت من احزاني الاغاني
واسقطت من غصني الذابل غرابه
تائه الخطوات بعدك يالتفاني
والدروب اتضيع دونك يالضبابة
راحت الدنيا أماني في أماني
والعمر يمضي والايام اتشابه
وانطوى حبل المسرات وطواني
والمسافر ردته خدعة سرابه
عبدالله بن سعود الحكماني
ليست هناك تعليقات:
إرسال تعليق