سوريا إلنا والمحبة طبعنا
ترابا دهب وبتنفدى برواحنا
جوا القلب رح تبقى أحلى جوهره
ونكتب عنور الشمس هيه كنزنا
.....................
سوريا المجد وتبقى جوا قلوبنا
أحلى وطن منلم فيها شملنا
هيه الهوى والحب والعطر الندي
كل الطوائف أخوه والعزه لنا
......................
إلها الصداره والعدو يهابها
رفعنا علمها للسما بصمودنا
أرض الوطن هيه العرض وقت المحن
حتى يعيشوا بأمن فيها ولادنا
....................
سوريا الحب وهيه وحدا عزنا
أرض الكرامه والشهامه وشعبنا
همه ونشاط ونخوه بيحب العمل
يلا بذور الخير تنمو بأرضنا
....................
سوريا جنه وشو غنيه حقولنا
وأحلى الزهور بتنمو وسط سهولنا
والشمس لما بتشرق عا كل الدني
شروقا بيبقى أحلى فوق تلالنا
....................
عنا الوداد وشو نقيه نفوسنا
أحلى الصفات الطيبه من أخلاقنا
منقدس الأوطان ومنطفي الفتن
وعالحب والإخلاص نبني بيوتنا
.....................
منعشق سوريا والهوى بحاراتنا
والياسمين بيزهو عا شرفاتنا
ولما نجوم الليل تضوي بنورها
أحلى الأحبه منلتقي بسهراتنا
.......................
سوريا حلوه منحفظا برموشنا
متل الأميره مصوره بعيوننا
ولما بجد الجد بأرض الوغى
نوقف متل لأسود نحمي ترابنا
.............................................
ملك محمود الأصفر 
ليست هناك تعليقات:
إرسال تعليق