. عتابا . لقاء
شفتها بتملي الجرة ع بيرا
سألتها الإسم قالت عبيرا
سقتني من تمها سكر ع بيرا
سكرت والدنيا صارت ضباب
... بلاموعد ....
قالت ياسمر والحسن فيك
ابعد عن دربي الله يهديك
يازين الرجال بدك الحلال
عنوان بيتنا رح مليك
الله يسعدك عني يغنيك
اطلبني من بيي تا لبيك
باكليل أو كتاب المأذون
كيف مابدك برضى فيك
قلبي بالحب تعلق فيك
كن حليلي و كون شريك
بقبلة واحدة سر الغرام
بتكفيني و لك مابتكفيك
لاتزعل مني أنا براضيك
شوما بتطلب رح بعطيك
راحة البال ببوسة حلال
باب مسكر عليي وعليك
د.غانم ع الخوري..
ليست هناك تعليقات:
إرسال تعليق