،،،،،،،،،،، ( اسمع مني ) ،،،،،،،،،،،،
اسمع مني وفتح عقلك
لم الدنيا فى يوم تضحك لك
اضحك ليها وعلي الضحكة
اوعاك تنسى وتديها ظهرك
اضحك زى ماضحكت ليك
أصلها فرصة عزيزة وجت لك
واعرف يوم مبتضحك ليك
انها دايما مش هتجملك
اضحك قبل ماتقلب ثاني عليك
وتشهيك الضحكة وتحلف
ألف يمين الا تبكيك
أصل الحزن فى عرفها كيف
ان فتحت وشفت عيوبها
تعمل منك ألف كفيف
والوش الثاني توريك
هتشيل حمل مهواش حملك
وان يوم رضيت تبقى معاك
اعرف انها زى الشمس
تطلع لاجل خيوطها تضمك
وام تحس دفاها وصلك
زى ماجتلك تغرب عنك
،،،،،،، بقلمي/ الشاعر علي السعداوي
ليست هناك تعليقات:
إرسال تعليق