انا بيك ومن غيرك
ومش جاية اغنيلك
انا بغني للحب
في كل زمان
هغني لكل صبية
بحنية قلبها العطشان
بكلمة تغسل ارضها
من الاحزان
بقلب عايش في دقاته
حنين حيران
وفي الاغنية مش هقول
كان يا ما كان
هغني واقول دا كان
و لسة كتير هيكون
يكون الفرح
يكون الجرح
مهم يعيش احساسي
يعيش اللون
مادام حاسة
انا عايشة
ومش هستني
من قلبك
وعود قربك ..
انا حبيت خلاص بعدك
معايا قلبي
ومكاني فين ما تكون
أحلامي
ما دام بحلم ....انا عايشة
زمان ضاعت سنين وياك
لكن عمري لسة هناك
بيستني
بيوعد قلبي يتهني
مع صبح ....مع نسمة
مع قصة
اخرها فرحة أو دمعة ...
اخرها شكوي ...أو شمعة..
مادام حاسة انا عايشة ..
مهم اعيش واكون فاكرة ..
ومش تايهة ...ولا ناعسة .
انا هغني للمكتوب
وهلبس توب لكل أوان
هقول للي بعد
ابعد كمان وكمان
هقول للي في قربه امان
يكون جمبي مادام إنسان
يحس زي احساسي
ويعرف يبكي ...
ويعرف ان في الاحزان
كتير ألحان بصوت الناي
شبه صوتي وسكوتي
بيعرف ان ضحكة الفرحان
بتكره قسوة الكتمان
وشوق القرب في عيون
حبيب عاشق
اقوي من الأفكار وسحر الجان
بيعرف ان لحظة صدق
بكل العمر في كل زمان
انا عايشة عشان بستني
ومش خايفة من الوحدة
مادام حاسة ...انا عايشة
ومش جاية اغنيلك
عشان انا بيك ومن غيرك
انا عايشة ......
بقلم الشاعرة / هنا السباعي
ليست هناك تعليقات:
إرسال تعليق