معارضة شعرية
انصحك ؟ .. أوعى تصدقك
أن ناس غصب عنهم و مش بإرادتهم خرجوا من حياتك
لأن اللي عايزك هيفضل معك
هو حد بيغصب حد على حاجة
دي ذكرياتك هي الكدابة
يا دي الخيبة
و اللي سابك بإرادته سابك.
عارف ازاي؟
أقولك
زي عم نزار ما قلك
سيبك من لعبه هددوه
و على أيديه ضربوه
دا سد الطريق بمرفقية
و زعم أن الإرادة ليست بيديه
أهي الإرادة ليست بيديه؟
أطفل حتى يحكمون عليه؟
(قف) ..
هكذا صرخ في صورتك
و الريح تأكل معطفك
و الذل يكسو موقفك
ماذا لو انه أخبرك
هنا نهاية موضعك
وجميع ما وشوشك
أيام كان يألفك
من أنك
بيت الفراشة مسكنك
و حكاوي الياسمين منزلك
قد أنكره كله
كما أذلك .. أنكرك
كذبابة عن عارضيه نَفَّضَك
هل مره في يوم تذكرك؟
هل حاول مرة يكلمك؟
هرب بجلده من مشهدك
و خد نفس عميق و طاااار
و يا للعار
صحيح هو حبك الغالي
و غيره كانت تسالي
لكن الخيبة
ان ذكرياتك هي الكدابة
علاء عبدالرحيم
ليست هناك تعليقات:
إرسال تعليق