(ماتيجي يلا بإسم الحب)
بقلمي (منى شحاتة)
جمهورية مصر العربية
ماتيجي يلا بإسم الحب
تتسلى وتأزأز لب
وتقولها يلا بالكدب
ياحلاوتك ياطعمتك إنتي
أنا عمري ماحبيت ألا إنتي
ولاعمري شفت في جمالك
ولاحدش ابداً في دلالك
ولاشفت أنا حد في عقلك
ولاحتى ف خفة دمك
وتخشلها داخلة تعلب
اللي أصوله أصول الكلب
وتسمعها كمان وكمان
واوعى تنسى بإسم الدين
تبين ورعك وإيمانك
دي علامة الصلى
على جبينك
ازاي هى فيك هتشك
وتسمعها ياسيدي شوية
احلى كلام في كلام الحب
وبعدها هي في حبك
على طول على طول
هتطب
وتزودها ياسيدي شوية
واديها شوية حنية
واديها وعود وعهود
وتبين غرضك
الطيب
وإن مافيش غيرها
في القلب
وياعيني الغلبانه تصدق
وتتعلق في حبال الحب
وتفضل ع العهد وافية
وتبعتلك ولاتلقى منك ولا كلمة
ولاحتى ترد
وتصبر وتفضل تستنى
إنك تيجي وتوفي الوعد
وتمر أيام وشهور
وعليها تلف وتدور
وتقولها آسف مشغول
ياحبيبتي لكن ع العهد
لو تعرف معنى العهد
كنت حقيقي تبطل كدب
وتخدعها بإسم الحب
العهد كان بينها وبينك
لكن عليه شهد الرب
واللي مايوفيش عهد الرب
دا ف ناره رجله هدب
ليست هناك تعليقات:
إرسال تعليق