فلسطين بقلب المختار
رداً على سوء فهم و انتقاد ...
يا جابر الخواطر اجبر بخاطرها
قلها خلف السطور المعاني توصلها
المثلك وفية صحيح الشك يذلها
لكن أنا ما قصدت الفكرة بأصلها
فلسطين المسيح انصلب بجلجلها
قبل قبلتك و الرب يشهد بعملها
ما بحب سيرة الأديان و مساوئها
الله رب الكل و الباقي بشر كلها
أرض انباعت بالأربعين شو حلها
بعدها صهيون صهين على تلها
تاترجعي مجد تايه بمنازلها
شرعي قلمك و تابعي معاقلها
قلمك يحرك نفس و قلامنا كلها
تحرك جبل صهيون حتى نزلزلها
قلم رصاص أقوى من البنادق كلها
حاربي فيه و تنقلب الدني بمقالبها
بأقلامنا غزة رح نحصن مرابضها
و كل معتدي جبار بكلماتنا نذلها
لا تفكري ؛ المختار ممكن بيوصلها
مش سير عالأقدم ؛ بكلمة بحلها
أتمنى أن تكوني قرأت ما خلف سطور الياسمين ...
كتبت الرابعة و الثلث مساء اليوم
الثلاثاء ١٦ آب ٢٠٢٢
بقلمي المختار الياس العسافين
ليست هناك تعليقات:
إرسال تعليق