شعراءنا الاكرام أفتخر بكم
والعذر منكم للفكاهه لا أكثر
مارك ياعمي والله تعبنا
قال وقلتلو وياربي شو قلنا
من كلمة يمجد ويقول
ويشمخ صاير شاعرنا
بصفة حرفيّن. صار يجول
لا طعم ولا لون ولاصورة بمعنى
خطك محلاه نكذب ونقول
بهمسة ع الفيس وبالروعة كتبنا
كلمة من هَون وكلمة من هَول
صرنا انتش.وكنو العمى ضاربنا
رايح جاي. مفكر حالو بو الهول
ع سناب الصورة وسنو قززنا
وك حاجي ياخال كافي تصول
بمسرح شُعار وبالصورة تصرعنا
طاحش فينا وكنك داخل ع الكول
تهجي بالقول صروح. وهرجك يتعبنا
بسرقاتك مكشوف. وشعرك معلول
ومن بعد الرب. حراس الشعر بتسعفنا
رفيــــــــق مقلد
ســــــــوريــــــــا
الســــــــويــــــــداء
31/8/2022
ليست هناك تعليقات:
إرسال تعليق