يا بلدي
كل ما عبالي شوفك
يا بلدي بتطَّلع عالقمر
و مين سأل عن عمري
بقّلًو عد ليالي السهر
للروح كنت ِ السلوى
و المرح عند الضجر
يا حميم دفى حضنك
وقت قعدات السمر
و متل عبير نسيمك
علييّ بالدني ما عبر
منعش و لطيف متل
نخز العريس بالإبَر
و مهما قالوا عنك
بضل جبينك منوَّر
بمجد فاضل عريق
مكرّماً بالعز و الكبر
يا ريت لو كان إلك
لسان يحكي يا قمر
لكنت خبَّرت العالم
عن بلدي بلد الدُّرر
لا بد الضباب يزول
و يقلب لنعمة مطر
و نحنا بأحر الأشواق
نسمع عنك هيك خبر
و الرب باركك بالحكمة
و بالنعم فرشك و غمر
كنت ِمزار و ملجأ للرسل
وأهلك بعدن أطيب بشر
هاني بطرس .
ليست هناك تعليقات:
إرسال تعليق