بالعامية. وبلهجة فلسطينية..
في قلوب بتنحب
وفي قلوب بتنكب
وفي قلوب بتندب
في قلوب طيبة. نقية
ان حكت بتكون صادقة
وان صادقت بتكون صادقة.
بتدعي لبعضا بالخير والسعادة
بالسِرّ والعلن. بالليل وبالنهار
في قلوب بتعشقها لانها نضيفه
ما بتستغني عنها.
كلامها عسل. حطو على الجرح
بطيب.
بتجبر الخاطر.
بكلمه. بسلام. بضحكه .بدعاء
في قلوب. ان غابت لو سنين
ما بتسأل عنها.
قلوب قاسية. بتدور على مصلحتها
لو على حساب الغير..
وفي قلوب إن غابت ساعة.
قلبك بنشغل عليها. بتفقدها عالسكت
وبتتمنالها كل خير
ما بتصدق ايمتا تطمن عليها
في قلوب بس منظر.
لا حنيه. ولا كلمة حلوه .ولا ضحكه.
قلوب الغرور مستوطن فيها.
لا فيك تتعامل معها ولا فيك تعاشرها
يعني بصراحة.
مش كل القلوب زي بعض.
ولا كل كل البشر بتتعاشر.
سبحان الله خلق قلوبنا متساويه
بس احنا بإدينا بنصنع محبتنا
وبنصنع سواد قلوبنا
ابو سهيل كروم
