الكرامة _بقلم الشاعر اللبناني / د. علي مسلم عجمي

الكرامة 

--------------

العقل السليم بإتزان و فكر جاد

بيخلق كرامة بكل فخر و إعتداد

و ما في سعادة كاملة بين العباد

إلا بكرامة و بنى عليها الاعتماد

عزة النفس وكبريا و عزم و رشاد

العندو كرامة عاشها فيها و أشاد

و بالصداقة و بالعلاقة و بالوداد

و مع زوجتو الرجال حتّى و لولاد

بدون الكرامة اللي بتجمعهم سوى

ما بيقربوا من بعض بيظلوا بعاد 

حتى  الوطن يعني الكرامة ذاتها

الحشمة. الشرف. و التربية و عاداتها 

و الأنظمة تحترم إرشاداتها

ببلادك .و غطت أرض ساحاتها

 الناس إتركها لصـَلا عباداتها

و الحديقة ان زرتها بنفحاتها

حافظ على أزهارها و ورداتها

هيكي الكرامة مجّـَدِت راياتها

الإسلام و رسالة ظَهَـر معناتها

كرامة الإنسان تحليلاتهـا

الكتب السماوية بشرح كلماتها

كرامة الإنسان من ساداتها 

و العاطفة مهما علِـت آهاتها

و نار المحبة وَلّـَعِت سعراتها

ان ما كان فيها للكرامة إعتبار

بتنطفي النار و تخمد بجمراتها

الشاعر د. علي مسلم عجمي