حابسة نفسي
حابسة نفسي جوه نفسي
ولا نفسي اللي حبساني
عايشة الحياة من غير حياة
وكأن حياتي وحشاني
بس صعب أعود تاني
وإمتى إمبارح عاد تاني
دا حتى إمبارح كان كداب
وجه وعدى في ثواني
عشمني مرة بالجنة
حنروح هناك سوا نتهنى
ولما جه وعدى مجالنا
كأنه عمره ما يوم جالنا
سقاني من مر عذابه
تعبت من كتر عتابه
إسأل دموعي حتقول دابو
وماعدش غيرها وباقيلنا
بكرة أكيد جاي قريب
وحيكون أكيد أبيض طيب
ما طيبة القلب بتتعيب
ودا حكم زمنا علينا
يبقوا الحبايب حولينا
وفي الزحمة عايشين وحدينا
نغزل حياتنا وأمانينا
ونتمنى بكرة يكون لينا
ونقول أكيد بكرة قريب
ناديته مرة وقال طيب
واديني قاعدة وبستنى
وجوايا نفسي وحبساني
عايشة حياتي وبتمنى
ترجعلي يا بكرة من تاني
يحيى حسين القاهرة
12 يناير 2022
ليست هناك تعليقات:
إرسال تعليق