الحرية _بقلم الشاعر اللبناني /د.علي مسلم عجمي

 الحرية 

*****

أول دقائق خمس بعد ولادتو

الإنسان فيها حر حسب شهادتو

أهلو فرض من بعد منها مقررين

جنسيتو و إسمو و كمان ديانتو

بكل الدوائر و المحافل ناشرين

حريتو عدة ثواني بدنيتو

 و بعد بتقولوا بأنا محررين

مخيَّر..مسيَّر وين هيي ارادتو

كل حرية لها دم و ثمن

تحفظ كرامة شعب و تراب الوطن

كل ذرة كل حبة من التراب

عليها المواطن في حياتو مؤتمن

الوطن بدو سياج..شِيَّاب و شباب

بأرواحها بتفديه أوقات المِحَن

و رايتو بتظلها فوق السحاب

ترفرف بحرية منارة للعَلَن

حرية الإنسان ضمن المجتمع

إلها ضوابط بالكلام و بالسمع

حرية التعبير ما تِئذي حدا

و تلجم لسانك عن كلام المصطنع

و لو كنت صاحب جاه و نفوذك بدا

تستعبد الأحرار و يزيدك جشع

بدها يللي ملكتها و مستعبِدا

تحرر نفسها و كل شي كفك جمع

حرية الأوطان ما بتعطى عطا

بدها كفاح و دم و تجيد الخطى

حريتك إلها حدود و إتزان

مش عنجهية و لا بقوة مفرطة

 الإنسان في عندو كرامة مع كِيان

ما تسلبو حريتو لأتفه خطا

عندك مودة و للتآخي إمتنان 

بتظل عا حريتك ستر و غطا

بقلم د. علي مسلم عجمي