خياط ( من وحي الصورة )
خياط وبخيط بإيديا
في هدوم الناس
وكلام الخيط والإبرة
مليان احساس
مع ان الإبرة مصنوعة
من قلب حديد
لكنه بيحس وكأنه
له ألف وريد
بلضم الابرة بالخيط
والصوف
وألقى الدنيا حواليا
دولايب ورفوف
حتلاقي الرف على يميني
فيه ناس فرحانة
والرف التاني علي شمالي
فيه ناس حيرانة
ورفوف قدامي بتغني
فرحانة ببكرة
وورايا رفوف زعلانة
بتغني لذكرى
متحوط يا خلق يا عالم
بدولايب ورفوف
وطول ما انا عايش بتعلم
وأهو ياما حشوف
يحيى حسين القاهرة
23 ديسمبر 2018
ليست هناك تعليقات:
إرسال تعليق