قصيدة بالعامية المصرية بعنوان: ــ
(كفاية حرام)
ـــــــــــــــــــــ،،،،
في أرضي سلام ومحبة وئام
لكن ديدان البطون اللي سارحه
بتنهش صغار في قلب العلام
قالوا كريمة دي حسبه لئيمة
بتسرق في قوت الفقير الجرام
مباني بنوها وحسبة خدوها
فارغة المباني من قولة سلام
أعـلامنـا مضلـل مظلـة كيـان
ولعبة عواطف في سرد الكلام
ويطلع رئيسنا بخطابه التمام
في كل مناسبة يقولك حرام
ويعزف بلحنه بشعور الجعان
ولا نجلس عليها لو يوم شعرنا
بان المواطن يضيع في الزحام
شعورك ياريس ما يكفي النحيب
في دور الغلابة وضرب الحزام
شعبك يا ريس جعان من زمان
أنزل وشاهد من فوق الحصان
أمراض وسارحة كدود الغيطان
صحة عديمة ما هياش كريمة
وكريمة صبية تحادي الزمام
كمصر العفية وحكامها العدام
إيـاك تقولي مشارعنـا اللئيمة
وأيـه ده ينفع مريـض الجريمـة
اللي فارغة حياته من كل الكلام
جنيه وضاع في دروب الوضاع
ومهمـا حسبنـا مـرتــب شعـاع
يلمع كالبرق في يومه اللي ضاع
تعليمنا فارغ من مضمون الشراع
كالنيل اللي سده جربوع الصراع
والصحـة عديمة في كل البقاع
يا ريس تعبنـا فـي طول الصراع
دعــوة يـا ريـس تـزور الكفـور
ونجعـونا ماتت في حسبة طعام
علـى الشاشـة ينادي ممثل تبـرع
وأجره يا ربس من قوت الفطام
ملاييـن وخـدهـا وحـرايـر تمـام
ويسكن يا ريس في مدينة حمام
والحــر خــانـق دروب الجعـان
تشاكوا الفقير في طوبتين بناية
لجل ما يسكن من عصف الزمان
وقصوركم تشيد في سقف الكيان
وحسبـة لئيمـة ما هيـاش كـريمـة
تـعبنـا يـا ريـس كـفـايـة حــرام
بقلم / احمد عزيز الدين احمد
،،،،،، شاعر الجنوب
ليست هناك تعليقات:
إرسال تعليق