جوه القلب _بقلم الشاعر المصري / يحيى حسين

 جوه القلب

حروفي بتنطق بكلام

في حضن الورقة مسطور

يتدفى في الحضن ينام 

ماهوو نبض القلب المشطور

يرسم بسمة وكمان احلام 

بعيدة في القصر المهجور

والقصر بعيد وعليه سجان 

وتعويذة بكلام مسحور 

سوره متحوط بالجان 

وعفاريت بتلف وبتدور  

تايه قلبي مع سرب حمام

ووراهم خفافيش وصقور

رحلة طويلة سنين وايام 

وجناحه قلبي مكسور

ورغم البرد وضباب وغمام

ومن انه تعبان مقهور

شايل قلبي خير وسلام  

لا يهمه بوابة وسور

ولو حتى اتصاب بسهام 

دايما قلبي شجاع وجسور

والدنيا لو ليل وظلام 

جوه القلب شعاع من نور

بقلم : يحيى حسين