نحول حجارة داود _بقلم الشاعر اللبناني /حسن أبو عمشة

 نحوِّل حجارة داوود

وعصا موسى للزجل

        اللُّبناني

لَا مَا مْنِنْكِسِر يَا خَيِّي

     نِحْنَا الْثُوَّار

انْ كِنِتْ مَعْنَا يَا خَيِّي

     مِنْصِير كْتَار

بِحْجَارِة دَاوُودْ كِنَّا خَرْزِة بِالْعَيْن

طْحَنّاهُن والله كِنَّا إتْنَيْنِ تْنَيْن

وَاحِدْ بْيِطْلِقْ وِالْتَانِي بْكَامِرْتَيْن

بِالْيَاسِينْ طْلِعْنَالُنْ مِنْ بَيْنِ حْجَار

لَا مَا مْنِنْكِسِر يَا خَيِّي

     نِحْنَا الْثُوَّار

انْ كِنِتْ مَعْنَا يَا خَيِّي

     مِنْصِير كْتَار

فِشَّلْنَالُنْ خِطِّة جَدْعُونْ وَاحِد

ظِيَّظْنَاهُنْ بْقُوِّة بْمَوقِفْ جَامِد

طِيَّرْنَالُنْ كَمْ جَحِشْ بْرِتْبِة رَائِد

زَمُّوا وْرِجْعُوا لَلْصِّفِرْ بْأَخْدْ الْقَرَار

لَا مَا مْنِنْكِسِر يَا خَيِّي

     نِحْنَا الْثُوَّار

انْ كِنِتْ مَعْنَا يَا خَيِّي

     مِنْصِير كْتَار

طِلْعُولْنَا بْخِطَّة جْدِيدِة جَدْعُونْ تْنَيْن

بِالْزَّيْتُونْ وْجَبَالْيَا كْمَنَّالُنْ زَيْن

بْعَصَا مُوسَى تْكِحَّلْنَا بْفِرِقْتَيْن

قَتْلَى وْجِرْحَا وأسَرْنَا أَرْبَعْ كْرَار

لَا مَا مْنِنْكِسِر يَا خَيِّي

     نِحْنَا الْثُوَّار

انْ كِنِتْ مَعْنَا يَا خَيِّي

     مِنْصِير كْتَار

بِدْهُمْ يِحْتَلُّو غَزِّة أَحْدَثْ خِطَّة

جَيْشْ كِيفْ بِيْخَطِّطْ مِتِلْ الْقِطَّة

فِكْرُوا لَقَطْ بْقُوِّة شِي كَمْ لَقْطَّة

مْن ِالأَرِضْ وْمْنِ الْسَّمَا مْنِنْزَلْ أَحْرَار

لَا مَا مْنِنْكِسِر يَا خَيِّي

     نِحْنَا الْثُوَّار

انْ كِنِتْ مَعْنَا يَا خَيِّي

     مِنْصِير كْتَار

بلم :حسن أبو عمشة