قولي _بقلم الشاعر / جمال نصر

 قولِّي إنت ليه عاصي على الكتابه يا قلم

ولَّا عشان زمان كتبتله بحبك تَعّبَك الندم 

مش هاين عليك تحكي حكايتك مع إلألم 

صِعِّب عليك حالي لما صحاني من الحلم

أُمَّال أنا أعمل ايه إلِّي كنت معايشاه عِلم

مابين يوم وليله راح وفاتلي قلب إنظلم

وقلبي في عز الشباب داب وشاب وهرم

فاتنا وكمان لا هان عليه يودعنا ولا سلم 

إحنا إلِّي لما كنا نفرح البسمه بينا تنقسم

جانا يوم سكِنا الألم إتحرم علينا نبتسم

باقولك ايه إلِّي نسينا ننساه وبلاه وشم

شد حيلك هُمَّ كلمتين والحكايه تنحسم

كفايه حنيه إكتب عاللي عانيناه من ألم

وقلبي بعمري إشتراه وأهو إتوجع وندم

هنحط بيني وبين الحب حجاب ونقسم

إنِّنا خلاص تِّعِبّنا وتوبه لا حب ولا عشم 

                                 #د.جمال_نصر