قصيدة سنين أجمل
بقلم .. اسماء الخطيب
ومهما تعدي في سنيني
سنين حلوة
هتبقى الأحلى بوجودك
ساعات تغني عن الباقي
زهور بالود فواحة
وطيبة قلبك الساقي
بتهدي قلبي للراحة
وكم اماااان
حنان الدنيا في عيون
في لمعتها سلام وسكون
وشبابيكي على الدنيا
بشوف الحلم بالنني
واخبي خوفي بجفونك
وإكمني ....
عيونك ضي ايامي
تداويني بنظرتها
مكانها قلبي ووتيني
ومهما الدنيا ترميني
وجودك جنبي يحميني
ي أول شمس ونهاري
جناين وردي وازهاري
واسرار الهوا تشهد
حروف الكلمة تتزين
عشان بتقولها من صوتك
ولون الحرف دا حنين
في جملة لما بخطوطك
#اسماء_الخطيب
ليست هناك تعليقات:
إرسال تعليق