يا حب
بقلمي يحيى حسين
يا حب خلاص كفاية
أنا ليا بس مين
مابقاش غير عذابك
دايب فيه الحنين
إسأل عمري اللي فات
ع القلب كام حد فات
وياما سهرنا ساعات
وما كسبنا إلا الأنين
يا حب كفاية منك
كداب من صغر سنك
دا ياما قسينا منك
وآه من الكدابين
يا حب كفاية حرام
دا أنت أكبر حرام
وأكبر ذنوبي الغرام
وإسأل عنها السنين
يا حب كفاية اللي راح
راح وعمره ما راح
وما ساب إلا الجراح
وكله مكتوب ع الجبين
يحيى حسين القاهرة
29 سبتمبر 2022
ليست هناك تعليقات:
إرسال تعليق