سهرة بالهامة
...................................
مرة رحنا سفرية
بصحبة أختي وخيي
عالهامة عملنا مشوار
سهرنا أحلى سهرية
................
الهامة من أحلى البلدان
مبدعها رب الأكوان
زرناها أول الليل
والقمر فيها سهران
...............
وأبو محمد لاقانا
بالتحية حيانا
استقبلنا ببيتو لكبير
جاب القهوة وسقانا
...............
وأم محمد ست الكل
متل الوردة لما تطل
كلاما سكر نبات
من قعدتها ما بتمل
...............
سهرنا بأعلى التراس
وتونسنا بأطيب ناس
وعلى جبل الورد الأنوار
عم تلمع متل الألماس
..............
والقمر متل القنديل
مزين هالسهرة بالليل
سمعنا صوت العصافير
أديشو صافي وجميل
...............
تسامرنا مع هالإخوان
وقعدنا قعدة خلان
قهوة وشاي ونرجيلة
والضحكة صوتا رنان
...............
ونسمات بتشفي العليل
والجو ما إلو مثيل
ويا رب تدوم اللمات
والفرح يبقى أصيل
......................................
ملك محمود الأصفر
ليست هناك تعليقات:
إرسال تعليق