الرمش القاتل
رفعت الراس عن هالحاسب الأجوف
نظرت و إلا الرمش بالعين يرماني
غمضت هاك العين هميت تا أوقف
خفضت نظرها رفعت رميت التاني
ما عرفت كيف و ليش تا أوصف
التاني إجى بالقلب و الحب أضناني
و ركضت عالباب تاشوف و اتعرَّف
لقيتها بكفها عم تقلي راجعة تاني
متل خايف و من الحرب عم يرجف
صارت عظامي اتك كل وحدة بالتاني
بطلت استحي من الناس ومن يعرف
مختار و كيف ارتمى بحب روحاني
الكل صار يحكي شو شاف أو يعرف
و أنا قعدت بالأرض عم رندح غناني
شي ساعتين أنا من البرد رح ارجف
و خبي وجهي من هالناس و المعاني
بلحظة لقيت قدامي هالكندرة توقف
و الصوت قلي بكير ما حلك تعاني
هميت مشتاق و شو بدي تا أوقف
لقيت المسافة كتير ، و كتير عليانة
ساعة استعرض بوجدي هالمصدف
و اعلقت بالكتفين عا شجر رماني
وقعت بالوادي و صار الوجع ينزف
سندتني بالكفين و قالت يا تحناني
استغفرت الله و قلت آه ما ألطف
صوتك متل صوت هالترتيل رباني
قالت بلى إنت لا شفت و لا تعرف
إرفع عيونك ترى هالوجه نوراني
نظرت بدي قول ، ما قدرتي أوصف
خلقة خلقها الرب من جنان رحمان
قال عطيتك درس بالوصف تتوصف
روح بسرعة ارجاع عالمنتدى تاني
بقلم المختار
الياس العسَّافين
الخامسة صباح 21 / 1 / 2012
ليست هناك تعليقات:
إرسال تعليق