علي نن العين/ صموئيل فايق
علي النن والعين
وأنا وإنت ياحبيبي
مفارقين وعلي فين رايحين
الزمن ماشي وبتمر السنين
قلوبنا بعدت وإحنا قريبين
ولما قررنا الرحيل بقينا حنينين
وكل إللي حولينا شايفين
يشاورو علينا ويقولو معلمين
لكن الفراق عَلم شباب وشايبين
وحياتنا إتغيرت في طرفة عين
لما أخدنا أسرع قرارين
الأول بالدوس علي قلبين
والتاني نصدق الكدابين
وإتفرقنا وكائننا مش متفاهمين
ومشينا للوحده رايحين
نعد النجوم واحده وإتنين
نعدي كل ليالينا سهرانين
ونقلب في ذكرياتنا باكيين
علي الحب والشوق مكهورين
وتغرق الدموع الخدين
تاهت الفرحة يا بنأدمين
وحزنو العنين وإتقفلوا الشفتين
بسبب إللي حولينا إحنا الإتنين
ورحلوا كل الموجودين
من غير مواساتنا ولأ أسفين
لإنهم بإللي إتكسر مش حاسين
علشان الغيره خلتهم لينا كارهين
ونزل ستارة الفرح وبداء الزمن الحزين
وإتلملمت مناديل الحب والحنين
ومهما الوشوش تضحك باين
أثر الحزن والفراق في العنين
علي النن والعين لما تتكتف الإدين
وإنت وحبيبك تبقو من المجروحين
وأقرب ماليكم يقف مع المتفرجين
ليست هناك تعليقات:
إرسال تعليق