((مقسومة اتنين))
بقلمي ((منى شحاتة))
جمهورية مصر العربية
من نفسي
زعلانه
وعايزه اعاقبها
بقيت مقسومة
اتنين ...
ياترى وخداني
قولي بس
لفين...
يانفسي ياأمارة
معاكي بقيت
محتارة..
وخداني لحد
لفين..
كفياكي
ارحميني ...
وليا ارجعيلي ...
عليكي أنا...
بنادي تعالي
الناحية دي...
واقفي كده
قصادي
ليه بس
مابترديش
معايا ماتعنديش
قدامك طريقين...
وعارفه الخير...
فين
ليه تمشي كده
عكسه
اهي ياستي
مرايتي ...
وتعالي أنا وأنتي
نقف كده
قصادها..
بصتلي وقالتلي
ميهمنيش منها...
حياتي وحره
أنا فيها ...
وبكده راح...
أعيشها
طب ليه عايزة...
تسيبني...
وف سكة الضياع
ليه عايزة...
ترميني
يارب صبرني..
. عليكي ويقدرني...
ارجعك... ليا
طب ممكن
تسمعيني ...
وتهدي كده...
وتيجيني..
دا إحنا الاتنين
واحد ....
بالله صدقيني
مصلحتي
مصلحتك...
عارفه ايه
مشكلتك
إنك متسرعه
في كل طلباتك...
وعايزه كل
شيء
لكن ماينفعشي
كده بطريقتك...
لازم تعرفي
كل شيء عايزاه
في وقته ...
هيجيلك
بصي أنا بحذرك...
أهو وكمان بنذرك...
من خطوتك
ديه...
ياريت بقى
ترجعي قبل
ماتدمري..
ارجعي ياله
لأختك ...
ارجعي لحبيبتك
داانا خير
ليكي...
وأهو مستنياكي
وهصبر كمان...
عليكي...
ولحد ماتيجيني
هفضل ادعيلك...
ربنا يهديكي
وعمري
ماهسيبك...
وهتفضلي معايا
وهتمشي في
طريقي
ونرجع من تاني
نبقى كده واحد
وبلاش
نتقسم ...اتنين
ليست هناك تعليقات:
إرسال تعليق