#اناداين_مش_مديون
#كلمات_ايمن_شتا
مسير الحي يتلاقى.. وليكم يوم
عملت قلوبكو ببراءة.. وزدت هموم
سرقتوا الفرحة من عيني
اخدتو عمري وسنيني
تعالى يا دنيا حاسبيني
انا داين ومش مديون
مسير الحي يتلاقى.. وليكم يوم
....
مسير الدنيا تديني..
ولاقي فرحتي فعيني
تعالو ساعتها حاسبوني
انا ليا منيش مديون
..
تعالو نحسب الاحزان
ونوزنها في كل مكان
تلاقو الغدر والنسيان
يساوي عندكم كام يوم
مسير الحي يتلاقى
انا داين ومش مديون
...
قلوبكم ليه بقت سودا
جراحكم ليا مقصودة
هيجي يوم ومرودة
واجاملكم بجرح جديد
...
هخلص تاري وياكم
وهنسي دنيتي معاكم
هدفعكم كتير غالي
هاخد حقي وانساكم
واجاملكم بجرح جديد
...
سرقتوا الفرحة من عيني
اخدتو عمري وسنيني
تعالى يا دنيا حاسبيني
انا داين مش مديون
مسير الحي يتلاقى
وليكم يوم
...
ايمن شتا
ليست هناك تعليقات:
إرسال تعليق