كلّه هيعدّي
كلّه هيعدّي
قلباتك يا دنيا علينا كثّرتِ
موش كافي في الصّدر
النّفس كرشت...وكتمتِ
بعدت علينا ولا رجعتِ
وظهرك لنا درت
بصراحة وفّيت ...كفّيتِ
وفينا ما قصّرتِ.
ماكنت عملت حسبتك
طرحت من اللّي عدّينا به
موش اليوم علينا زدتِ.
طلعنا...نزلنا
اتجبرنا...اتكسرنا
ارتحنا...تعبنا
عااااااادي...ماكلّه هيعدّي
هنعاند معاكِ
مادام معانا بتعاندي.
يا أوجاعنا...خطواتك
أميال في الصّدر مدّي
وعلى قلوبنا الرّباط لفّي
والخنقة عليها شدّي.
الضّرب في المكسور حراااام
ياريت يا دنيا
كنت وجعنا شويّة رحمتِ
جرحنا داويت وعليه طبطبتِ
وكسرنا تفاديت...راعيتِ
أو حتّى جبرتِ.
موش على وشوشنا القهر
خدوشه...رسمت
وفي الرّوح...كدماته علّمتِ
ما أنت بصراحة ندم ...حسرة
كتير فيها وجّعتِ.
ماهانش عليك الفرح
عليها...أو من قدّامها
لو حتّى صدفة يعدّي
والضّحكة للشّفايف ...تردّي
لو عا تبناك معذورين
إنّك تصاحبينا
كنت جيتي شويّة
على نفسك وحاولتِ
إنّك تفهمينا
كنت لو مرّة واحدة جرّبتِ
ومن دفاترك...حساباتك
أسامينا ...كنت شطبت.
فضلت فينا
تشيلي... وتحطّي
ترفعي...وتوطّي
وطريقنا كلّ مرّة تسدّي
عملتينا شغلانتك.
قلنا يا ريتك كنت لاحظت
دي أيّامهم يتيمة
بكرة عندهم مالوش قيمة
سنينهم بتعدّي عليهم ثقيلة
الهمّ...الغمّ...وحرقة الدّم
ماسابوهمش ....ماخليوش بهم
همّا عندهم العزوة والعيلة.
يا ريت مناهدتك لنا بجبروت
لحدّ الكسر...لحدّ الموت
كنت علينا وعليك وفّرتِ
مالناش غير إنّنا نقول
لنا ربّ كريم
كلّه جاي...كلّه رايح
كلّه هيعدّي.
بقلم ريم منصّر
ليست هناك تعليقات:
إرسال تعليق