يوم نثرت فيه شجرة طوبى جواهرها _بقلم الشاعر العراقي / رياض نعيم الموزاني

 قصيدتي

(.يوم نثرت فيه شجرة طوبى جواهرها).⚘⚘⚘⚘⚘

 .بمناسبة ولادة   الرسول الاعظم ص  .

""""""""""""""""""

شعّت ضوه نجوم السمه

 ..وجبريل ناده وكبر

 بيوم١٢ من هالشهر

ننسه الحزن نستبشر

 هليوم طوبى استانست

. .ونثرت الدر والجوهر

وناده المليك لكل محب

... هاذي الجنان اتخير

چن  عيد اجانه توشحت

.... دنيانه زيهه الاخضر

وياهه الگمر بدر اكتمل 

...والكون كله اتنور

وفاح العبير بكل غصن

....والورد فتح وازهر

بمولد نبينا المصطفى

... الهادي النذير الاكبر

بتوراة موسى اسمه انذكر

....وانجيل عيسى البشَّر

الأول من أصحاب الكسا

.. .من الارجاس اتطهر

خصّه بفخر  رب العرش

..ونزلت بحقه الكوثر

 اعذب واصفى من العسل

 ..يخسه اللعين الابتر

حسنه وحسن يوسف سوه..

..قُرّه الرسول  لكل عين

أملاك اويه جان اتلگته

 ..وتتسابق الحور العين

مسراهه من جنة عدن

...ونثرت ورد ورياحين

بعالم الذر نوره سطع

. .گبل الخلگ والتكوين

متواتر اببطن الكتب

..هالمعتقد بالتدوين

القرآن واحد من نزل

...والعتره وياه إثنين

هاذي وصية المصطفى

..گال الهدايه الثقلين

واحنه بعقيده راسخه.

 نظل لنبينا اموالين

بعروتهم الوثقى الرشيده 

..وللابد متمسكين

بعروتهم الوثقى الرشيده. .وللابد متمسكين

'''''''''''''''

رياض نعيم الموزاني العراق