قلوب الناس (564)
...............
فتحوا ليه
باب الوجع
كان عشمهم أتوجع
خانوا عيشي وقلوا بيا
وظهري ليهم كان سند
سجنوا طيبتي
في ليل دموع
عصوا قلبي بين ضلوعي
غدروا بيا فى يوم هنايا
طفوا فرحي والشموع
دوقت منهم ظلم ياما
طعنوا ظهري بميه علامه
والوشوش فى خداعها بانت
ضامه حضنك بإبتسامة
نفسي أعيش من غير دموع
نفسي أرض بدون رجوع
حلم ليله وكل ليله
ناس بتزرع أرض بور
صدق نيه وثوبها أبيض
حرقوا داري بالشموع
يوم ما تلقى
وشوش ملايكه
شوف قلوبها أي نوع
دنيا فيها وياما فيها ناس بتشبع
ناس تجوع
نفسها هي الحكايه
حرب دايرة
فى القلوب
بقلم .. صبري رسلان
ليست هناك تعليقات:
إرسال تعليق