انا المشاهد /الاستاذة هنا السباعي

 انا المشاهد ..

الكريم ..

طيب وساكت 

ومش بشارك 

اصل العروض 

زادت وزادت ....

وبقيت خلاص مش 

عارف أبدأ منين ..

بحكاية البهلوان 

اللي لما قابل 

صحفي حيران 

عرض حكايته 

ع الجيران ..

وجه وخطفه

السكاري يلعبه 

بيه لعبه 

الديب السكران

بس يا حرام 

صدق نفسه الغلبان 

ونسي انه يدوب

بهلوان 

ينفع في صورة 

فانتازيا شيك 

وتخلص الحكاية 

ويفوء يلاقي 

الوهم عايش 

في الصور 

وكان كله حلم  

والوعود الوان ....

انا المشاهد ..

و لسة تاني 

ساكت وقاعد  

بشوف حكاية 

الزمان 

مع النجمة الجميلة 

اللي صارت 

في الادمان أصيلة 

أطلقت.....لاء ..لاء...

دي رجعت 

بس كانت بتحب 

جوزها واتمردت

وراحت وجت 

وقالوا عنها 

بنت بلدي 

بس طلعت 

عار عالبلد ..

لما من عيلتها 

اتبرأت ..

و شايف هناك 

ضحايا ياما ..

شباب وورد 

بيدفن ..

عادي دي مش اول 

رواية ..

كل يوم من بعد يوم 

بيتعرض ع الشاشة 

نفس القصة 

ونقول في النهاية 

نعي ومعاة كلمتين ..

علشان ضميرنا

يتعافي بالسلامة ...

استني بس 

كنت هنسي ...

كان في حكاية 

لثورة 

هي قامت ولا لسة ...؟

اه افتكرت ..

دي كانت دوشة حولين 

كام رغيف ..

وشوية ناس تعبانة 

ومش عارفة تعيش ...

بس خلاص 

قالوا انها كانت 

وشاية ..

وتعيشي يا بلدي 

حتي لو مافيش 

حتي لو كان الولاد 

هينامو بالجوع 

ميتين ..

تعيشي كفاية علينا 

نحس بالأمان 

وان مهما زادت

قسوتك 

يكفي أن ارضك 

لسة بتحضن

خطوات ولادك 

وادينا رهن خطتك ...

انا المشاهد الكريم ...

من فترة عدت 

كان فيه حكاية 

مطربة 

تايهة وفي البلاد 

متغربة ...

قالوا ماتت ..

وقالوا عايشة ..

بس متعذبة في 

قصر الأمير...

وبعدها رجعت 

وغنت ..

وكانت الليلة مليحة ..

والجمهور صقف ..

ونسي انها كانت 

جريحة ..

وان النقابة قامت 

وبقت فضيحة ....

ولا حكاية الشرع 

واللي ملزمة ...

لاء قالو خلاص 

مش ملزمة 

لاتربي ...ولا تطبخ 

ولا حتي تذاكر

لعيل ملزمة .....! 

ونسينا ...والباقي نسي ...

طيب اية الحكاية 

 وآية اللي بيتحكي....

واحدة جميلة ..

وشيك 

بس رذيلة ...

وطايحة في الستات 

بنصايح عويلة ..

تتمني راجل 

بس وتمسح جزمته 

حتي لو المذكور 

يخونها كفاية عليها 

طلته.... 

بس بنات الاصول 

والامهات مش

ساكتين لها ...

يلا خلينا احنا 

في الترندات ..

والفيديوهات ...

واللي هبلة واللي صابرة 

واللي جاية بتعلم 

امهاتنا الطبيخ ..

وتقولهم 

ضاع عمركم ..

في الوصفة المتلخبطة ..

واهي خربطة.....  

 علي مرمطة ..

ويوم ورا يوم 

وتمر السنة ...

ونرجع نعايد بعضنا ...

ونقول يارب ..

تكون اللي جاية شايللنا

معاها الهنا ...

...

انا المشاهد الكريم ...

ساكت وقاعد ومش هشارك ..

كفاية اني اكون انا ..

بقلمي الشاعرة / هنا السباعي