#نفس_المكان
#كلمات_ايمن_شتا
وسط الصخر كانت هناك
نفس المكان مستنياك
نازلة الدموع على خدها
خايفة لتبعد عنها
احساسها كان بيقولها
انك هتكسر حلمها
....
مشهد غريب في رسمته
مش قادرة اوصف قسوته
بس القدر لازم هيلعب لعبته
ويحكي كمان
...
فجاءة الصخر انشق فعلا تحتها
وكأنه كان بيضمها
نازلة الدموع على خدها
الوقت فات..
...
ماتت بتحضن دمعها
من قلب خانها وذلها
يا خسارة كسرة قلبها
علي حب مات..
...
نزلت دموعي من عنيا
وانا هناك زي الصنم
معقولة تبقى دي النهاية
انا قلبي هيموت م الالم
....
نفس المكان دا من سنين
كنت بستنى حبيبي
كنت ببكي دمعتين
مكنتش اعرف ايه نصيبي
...
معقول يا بحر تضمها
بعد ما خسرت حلمها
طب كنت خدني زيها
سيبني ليه..
...
يا بحر قولي ومتداريش
كم واحدة قبلي جوا منك
وليه سيبني مخدتنيش
تملي ليه تبعدني عنك
...
نزلت دموعي من عنيا
وانا هناك زي الصنم
معقولة دي تبقي النهايه
انا قلبي هيموت م الالم
....
وانا هناك بين الصخر
مستنياك
نفس المكان
واقفة هناك..
...
ايمن شتا
ليست هناك تعليقات:
إرسال تعليق