بعترفلك إني بغير
غيرة ويا حب كبير
بيخليني اعيش في سعادة
وصدقني بحبك بضمير
ناس بيقولو الغيرة أذية
حكاية محتاجة ال تفكير
أما اناغيرتي حكاية غريبة
وعندي ليها ميت 100تبرير
حبة غيرة وحب زيادة
مش يعني عندنا تقصير
بس بغيرتي بحبك أكتر
ومش لاقية غير ده تفسير
يمكن تزعل مني شوية
ويتهيألك أمر خطير
لكن إحساسك ووجودك
خلوني أحبك بضمير
غيرة الناس دي غير حكايتنا
حاجة بتكتبها المشاوير
وساعات بتحس أن أنا مجنونة
عارف طبعاً ما أنت خبير
فاهمني جدا وعارفني
ويمكن حتى أكتر مني بكتير
غيرتي أنا كدة جت عفوية
مش مقصودة ولا بتفكير
وكان لازم احكيلك عنها
مش أنت على قلبي أمير؟
ولي الأمر ومنك مسؤولة
وقلبي فحبك والله أسير
فرحانة بغيرتي ومبسوطة
أنت مش زي أنا بتغير؟
هي كدة حب وحنية
وحاجات تانية كتيرة كتير
وعشان حبك من روحي
قلت خلاص بلاش تأخير
حبيت احكيلك عن غيرتي
واديني اهو حكيتلك بزيادة
وبعترفلك اني بغير
سهام ذكار
ليست هناك تعليقات:
إرسال تعليق