من يوم يومي
.........................................
من يوم يومي وأنا
ما بحب السخافة
ولا الفشورة عالغير
ولا بدعي الظرافة
من أول ما وعيت وأنا
بهالدني حلمي
إكتب شعر موزون
وبأحلى القوافي
.................
ومن يوم كنت صغيرة
بسرح مع النسمات
بوصل لأبعد شط
وبشرب من الغيمات
عندي القلم مطواع
وبيرسم الكلمات
بحروف متل الدهب
تلمع متل نجمات
...............
وعندي الشعر موزون
وفي إلو رسالة
بيفتح عقول البشر
وبيمحي الجهالة
بينبع من الأخلاق
من نبع الأصالة
بينشر ما بين الناس
السلم والعدالة
.......................................
ملك محمود الأصفر
ليست هناك تعليقات:
إرسال تعليق