قصة المختار و اسمه المستعار
شو قصة المختار وكلماته الكتار
عم يكتب و يحكي باسمه المستعار
قصة طويلة من زمن عابر و غار
تفشى الفساد و صارت الراحة قفار
من موضعي ما بين جار و بين جار
صرت مثل الحاكم و بلا مستشار
مطلوب مني قول عن كل يلي صار
و اشرح و اوضع حل لكل الصغار
بصير الفدى للناس بهداك المدار
مين الحكى جيبوه و بوقع بشجار
تحيرت من حيرتي و فكري احتار
و هنن اختاروني بأصعب اختيار
لقيتلك الحل من احتياري بالخيار
المختار المحتار و ما إله مضمار
صارت كتاباتي ع شكل الاستفسار
فيها سؤال و في جواب بلا انكسار
جلَّست فيها ناس أقسى من الحجار
و فضحت النواقص بلا ذكر للعار
ارضيته لربي بالنصح و الاقتدار
الخليقة تقول كيف مختار محتار
دار الزمن و فرحت بأيامي القصار
بعدا انكسر ظهري آه عكسر الوقار
رجعت اكتب عا وجع بالقلب صار
صرت وحيد و خليت عليي الديار
اطرب لحن الوجع طير من الفنار
و قلي تصير بديريك كلماتك بذار
سجلت و اكتبت فيها من أول نهار
و بتاني يوم رجعت العقل مني طار
قابلني شاب عاقل و مكلل بالوقار
سألني كيف اجمعت مختار و محتار
ذكرت قصتي كيف ابن بطوطة دار
و قلي بلا الحيرة رح نقبلك مختار
من هون يا ست الحلى و الازدهار
اسم المختار مش عن عبث صار
بعدني لحد اليوم من تلاتين سنة
معروف بالمختار و بطلت محتار
عند كل الناس و البشر بكل الوقار
اسم الياس العسافين هو المختار
حررت بالشهر الثالث
2016
بقلمي المختار
ليست هناك تعليقات:
إرسال تعليق