أغنية
(مش من حقي)
مش من حقي أتكلم وأعتب
لكن من حقي أبعد. وأكتب
مش من حقي أسأل أيامك
كانت لمين؟ بتقول أشعارك
غصب عنى أعيش أوهامك
مش بالعافية أقرى أفكارك
ولا أصنع من ورقك. مركب
مش من حقي أتكلم وأعتب
رسايل حبك؟ طلق رصاص
جرحت قلبي أنا الحساس
فكرت. وقلت أبنيلي أساس
ومليش دعوة بقلوب الناس
بس اللي يحبك آدي. بيكدب
مش من حقي أتكلم وأعتب
حياتك. وإنت حر إمشيها
مره معاك. أو تحليها
وحياتك أنا (عيني) عليها
ولو ترضى إنت. تبكيها
أنا (مسامح) ولو بتعذب
مش من حقي أتكلم وأعتب
لكن من حقي أبعد. وأكتب
كلمات
حربي علي
شاعرالسويس
ليست هناك تعليقات:
إرسال تعليق